lunes, 26 de junio de 2017

O Grupo de Teatro ASCM recibe un premio pola súa actuación da obra "SuperPanchita"

O pasado sábado, ás 20:30 horas, comezaba no Teatro Colón o acto de entrega de premios do XX Certame Candilejas Don Bosco. Este ano o Grupo de Teatro ASCM recibía con gran emoción un premio de mención especial polo seu esforzo, mellora e adicación.

A xerente da asociación e encargada do grupo de teatro, Paula Gárate, foi a encargada de recoller o premio e adicar unhas palabras de agradecemento en nome de todos os actores e actrices.

¡Noraboa o Grupo de Teatro ASCM!

Aquí vos deixamos un recopilatorio fotográfico do acto.




  

lunes, 19 de junio de 2017

O grupo de teatro ASCM representa "SuperPanchita" no Candilejas Don Bosco

O sábado ás 18:00h. o grupo de teatro ASCM representou a súa obra "Superpanchita" no Certame Candilejas Don Bosco no Calvo Sotelo.

“Superpanchita” é unha peza teatral, que xira en torno ás difilcultades dun personaxe con movilidade reducida para saír a rúa, e pretende concienciar á población sobre as barreiras e a falta de accesibilidade nas cuidades, así como reflectir a solidariedade dos voluntariaos á hora de contribuir a solventar ditos problemas. De ahí, que decídase crear unha “superheroína” para defender os dereitos dos peatóns con discapacidade: “Superpanchita”. Nesta obra participan 6 actores/actrices, 1 director e un técnico.

Aquí vos deixamos un recopilatorio fotográfico do acto.





martes, 16 de mayo de 2017

A ASCM RECIBE UN PREMIO DA DXT POLA OBRA DE TEATRO “SUPERPANCHITA”

A Dirección Xeral de Tráfico (DGT) entregou ao grupo de teatro ASCM un ACCÉSIT pola súa participación no “Concurso de proxectos de Educación Viaria”.

O luns pola tarde a coordinadora provincial de educación viaria da DGT, Rosa Mahía, facía entrega do diploma, que acredita un ACCÉSIT, ao grupo de teatro ASCM pola súa participación na IV edición do “Concurso de proxectos de Educación Viaria” coa súa obra “SuperPanchita”.

A obra de teatro premiada “Superpanchita” está realizada por usuarios con discapacidade física e intelectual da Asociación Sociocultural ASCM. Esta peza teatral, que vira ao redor das dificultades dun personaxe caracterizado como unha vaca con mobilidade reducida para saír á rúa, pretende concienciar á poboación sobre a falta de accesibilidad e as barreiras que prexudican aos peóns con discapacidade. Ademais, reflicte a solidariedade dos voluntarios á hora de contribuír a sensibilizar os devanditos problemas. De aí, que se decida crear unha “superheroína” para defender os dereitos dos peóns con discapacidade: “Superpanchita”.

Esta obra parte do “Decálogo do peón con discapacidade” elaborado por ASCM que logo foi levado a cómic e posteriormente a peza teatral.

Este acto, que tivo lugar na delegación de Ferrol de ASCM, comezou co visionado da obra galardoada. A continuación a xerente da ASCM, Paula Gárate, fixo unha reflexión sobre a problemática das barreiras arquitectónicas que sofren os peóns con discapacidade e cedeu a palabra a Rosa Mahía, que agradeceu o labor que realiza a ASCM e resaltou a importancia da seguridade viaria, tanto na distancia entre usuarios como na visibilidade.

O acto finalizou, entre aplausos, coa entrega do diploma e duns obsequios por parte da DXT.









lunes, 26 de diciembre de 2016

O grupo de teatro ASCM premiado por "Superpanchita"

¡Estamos de noraboa! O grupo de teatro ASCM resultou gañador dun Accesit de 500€ no concurso de Proxectos de Educación Vial convocado pola Dirección Xeral de Tráfico coa súa obra "Superpanchita".

“Superpanchita” é unha representación realizada polos/as usuarios/as da Asociación Sociocultural ASCM e xira en torno ás dificultades para saír a rúa dunha personaxe caracterizada como unha vaca con movilidade reducida.

¡Coñece a súa historia no seguinte vídeo!


martes, 13 de diciembre de 2016

Actuación do Grupo de Teatro da ASCM en Centro de Día de Caranza

Este venres, día 16 de decembro, estades invitados a asistir á representación, por parte do Grupo de Teatro ASCM, da obra "El Secreto de la Cueva", ás 16:30 horas no Centro de Día de Caranza.

Trátase dunha comedia que transcorre na Galería Ferrolterra, lugar no que terá lugar unha poxa moi especial e na que non faltaran enredos entre os nove personaxes que a interpretan. A subasta dun cadro será a peza esencial sobre a que xira esta comedia de intrigas.

Vide pasar un bo rato con esta divertida comedia, a entrada é libre e gratuita.

miércoles, 9 de noviembre de 2016

Novas actuacións do Grupo de Teatro ASCM para o mes de novembro

O Grupo de Teatro ASCM últimamente ten a axenda moi apretada... A súa obra "El Secreto de la Cueva" está tendo moito éxito, tanto que esta fin de semana terán dúas novas representacións.

A primeira será este venres día 11 de novembro ás 15:45 horas no Centro de Día de Ares. E a segunda representación terá lugar no Local Social de Covas, o sábado 12 de novembro ás 19:00 horas.

A obra transcorre na Galería Ferrolterra, onde ten lugar unha poxa moi especial, na que non faltarán enredos pola venda dun cadro que leva por título “El Secreto de la Cueva”, da pintora galega Rosi Loló. Dito cadro é a peza esencial sobre a que xira esta comedia chea de intrigas que se resolverán coa chegada de D. Chicharrón Júnior, quen explicará a súa verdadeira orixe.

Agardamos que veñades a ver esta divertida comedia que vos fará pasar un moi bo rato!! A entrada é libre e gratuita en ámbalas representacións!!


miércoles, 19 de octubre de 2016

Actuación do Grupo de Teatro da ASCM en Geriatros Laraxe

O vindeiro martes, día 25 de outubro ás 17:15 horas, o Grupo de Teatro ASCM representará a súa nova obra, "El Secreto de la Cueva" en Geriatros Laraxe.

Non vos perdades esta comedia que transcorre na Galería Ferrolterra, lugar no que terá lugar unha poxa moi especial e na que non faltaran enredos entre os nove personaxes que a interpretan. A subasta dun cadro será a peza esencial sobre a que xira esta comedia de intrigas.

A entrada é libre e gratuita... Non faltedes a esta xenial comedia que vos fará pasar un moi bo rato!!